Gjatë arrestimit të Ezra Miller, ai paralajmëroi një oficer policie që e kishte quajtur ‘zotëri’ dhe shpjegoi se ai identifikohej si “transgjinor jobinar” . Në pamjet e sapopublikuara të kamerave nga arrestimi i Miller paralajmëroi oficerin se mosreferimi i tij me përemrat e duhur do të ishte një “akt i qëllimshëm fanatizmi” dhe një “krim urrejtjeje” teknik. Miller, i cili përdor përemrat e they/them dhe doli si “queer” në 2012, dhe tha në një intervistë – “Queer thjesht do të thotë jo, unë nuk e bëj këtë. Unë nuk identifikohem si burrë. Nuk identifikohem si grua. Unë mezi identifikohem si njeri.”
Ai gjithashtu shprehu shqetësimet për dëmtimin e ‘nervave’ për shkak të karrierës së tij në muzikë.
“Ju lutem më lejoni të ulem me duart e mia të kthyera nga jashtë në mënyrë që të mos dëmtoj nervat. Unë jam një muzikant, kështu që nervat e mia në duart e mia janë të rëndësishme për mua. Ju lutem mos i lëndoni” – tha Ezra.
Gjithnjë e më shumë njerëz po përdorin përemra asnjanës për të përcaktuar gjininë e tyre. Arsyet për zgjedhjen e përemrave asnjanës të gjinisë janë komplekse dhe personale. Disa njerëz e bëjnë këtë sepse nuk mendojnë se i përshtaten një gjinie. Për të tjerët, kjo është një formë proteste: ata kundërshtojnë pritshmëritë e ngurta gjinore dhe preferojnë të jetojnë pa to.
Është normale në gjuhën angleze të përdorim përemrat they/them (ata/ato) kur nuk e dimë gjininë e personit të cilit po i referohemi, ose nëse duam që fjalia jonë të jetë e zbatueshme për të gjitha gjinitë.
Por ndërsa në gjuhë angleze këto përemra po përdorën për këtë kategori dhe përdorimi i tyre bën sens në fakt nga ana gramatikore lind pyetja, po në gjuhën shqipe cilët përemra mund të përdorim?
Edhe pse në gjuhën shqipe egzistojnë tre gjini, femërore, mashkullore dhe asnjanëse përsëri është e vështirë të gjesh përemrin e duhur për t’ju referuar dikuj që nuk identifikohet me asnjërën gjini.
Gramatika e gjuhës shqipe përcakton qartë se mbaresat -a, -i dhe -t përcaktojnë gjininë e emrit dhe koncepti del i pazëvendësueshëm me fjalë të tjera të paktën nga ana gramatikore.
Në këtë rast nëse keni të bëni në jetën tuaj me dikë që nuk identifikohet në asnjërën gjini do ishte me mirë t’i pyesni se si ata kanë dëshirë që t’ju referoheni. Kështu do shmangni mundësinë që të tregoni mungesë respekti edhe pse pa dashje ndoshta.
