Brenda shtëpisë së “Big Brother VIP” ishin shoqe shumë të mira, kalonin një pjesë të mirë të kohës së bashku, shpëtonin njëra-tjetrën nëpër zinxhire dhe nuk nominonin kurrë njëra-tjetrën.
Mirëpo, pas daljes nga shtëpia e “BBV”, marrëdhënia mes Einxhel Shkirës dhe Beniada Nishanit ndryshoi.
Që në ditët e para u aludua se vajzat kishin prishur miqësinë me njëra-tjetrën, pasi teksa të gjithë banorët e tjerë nisën të takohen me njëri-tjetrin, vajzat nuk i pamë kurrë bashkë.
Tashmë u bë kohë që emisioni përfundoi, ndërsa Einxhel dhe Beniada nuk u takuan një herë të vetme.
Më herët, Beniada u shpreh gjatë një interviste se nuk e kishte numrin e telefonit të Einxhelit, ndaj nuk ishin takuar.
E ftuar në “Why Not”, Einxhel ka treguar anën e saj të historisë.
“Nuk jemi takuar akoma, kemi rastisur disa herë por nuk jemi takuar akoma. Nuk ma ka numrin e telefonit prandaj. Nuk ma ka numrin, kështu mora vesh, kjo ishte arsyeja që nuk kishim komunikuar. Unë ja kisha thënë brenda në ditën e fundit që s’do ja jepja numrin e telefonit dhe me sa duket e ka marrë shumë për bazë atë gjë. Më tha se do më merrte që në mëngjes përditë të më zgjonte dhe kisha frikë se mos e bënte me vërtet këtë gjë.”
