Violinisti shqiptar me famë botërore Olen Çesari, ishte i ftuar në emisionin “Jo vetëm modë” me Orinda Hutën dhe ka rrëfyer disa situata të sikletshme nga jeta e tij.
Gjatë jetesës në Itali, në kushte të vështira, ata kishin mbetur ngushtë për para dhe nuk kishin as të blinin ushqime. Violinisti kujton nënën e tij që qante teksa i kishin mbetur vetëm dy euro dhe s’kishin me ç’të ushqeheshin.
Ndaj, Oleni i ishte zotuar se do ta gjente ai zgjidhjen për t’i siguruar para familjes.
“Korrik, gusht, shtator, tetor, unë s’kam për ta harruar kurrë. Mamaja që ishte me 2 euro në dorë, duke qarë.
“Çfarë ke?”-i thashë unë. -“Nuk kemi çfarë të hamë sot për drekë se kanë ngelur 2 euro.”
“Mirë i thashë, se e zgjidh unë”.
Një ditë përpara kisha dalë me autobus për eksplorim dhe kisha parë një njeri me kitarë, që i binte kitarës përpara një restoranti dhe këta i hidhnin lekë. Thashë prit se do ta bëj dhe unë këtë eksperiment. Dola, mora dhe unë violinën dhe shkova tek ky sheshi. Atë natë u ktheva me 120 euro tek shtëpia.”- ka rrëfyer ai.
Rikujtojmë se më datën 5 dhe 6 maj, Olen Çesari po rikthehen në Shqipëri një koncert madhështor në Pallatin e Kongreseve, ku do të na kënaqë të gjithëve me artin e tij.
