Aktorja Angelina Jolie ka udhëtuar drejt qytetit perëndimor Lviv në Ukrainë, për të parë situatën nga afër dhe për të qenë më pranë familjeve të tmerruara nga lufta.
Jolie kishte veshur rroba të thjeshta ngjyrë gri dhe po pinte kafe kur u pikas nga vendasit afër.
Vajza nga Ukraina Maya postoi një video në Facebook me mbishkrimin-
“Asgjë speciale. Thjesht Lviv. Shkova të marr një kafe dhe rastësisht pashë Angelina Jolie”!
Ajo ka një reputacion të madh si një humanitare në mbarë botën dhe shpesh ngre zërin për çështje të ndryshme. Mesa duket dhe kësaj radhe ajo po e përdor platformën e saj për të rritur sensibilizimin kundrejt kësaj lufte të ashpër.
Mirëpo, pamje shqetësuese po qarkullojnë në rrjet teksa Jolie filmohet duke u larguar me shpejtësi me një grup njerëzish, pasi dëgjojnë sirenat për një sulm ajror në Ukrainë.
Angelina Jolie had to be rushed to a bomb shelter as air-raid sirens went off in Lviv. pic.twitter.com/dOnLcQsp6d
— Christo Grozev (@christogrozev) April 30, 2022
Një nga anëtaret femra të grupit që e shoqëronte aktoren, iu drejtua personit që filmonte videon “Të lutem, jo më.”, ndërsa shoqëronin Angelina Jolie për ta larguar nga vendi i rrezikut.
