Reperi 44-vjeçar, i cili së fundmi ndërroi emrin e tij në “Ye”, refuzon të performojë në spektaklin më në zë deri në momentin që Billie Eilish të kërkojë ndjesë për komentet që ka bërë gjatë koncertit në “State Farm Arena” të Atlantata-s.
West i ndau pakënaqësitë që ka ndaj këngëtares në rrjetin e tij social “Instagram” për gjestin që ajo bëri ndaj një fansi të saj. Ajo ndaloi performancën natën e dytë të turneut botëror të saj “Happier Than Ever” për t’i dhënë një aparat frymëmarrjeje një fansi, pasi pa që ai po mbytej.
West i cilësoi komentet e këngëtares si ironi dhe përçmim ndaj tragjedisë së ndodhur në “Astroworld”, ku mbetën të vdekur disa njerëz nga asfiksia. Bilie Eilish reagoi ndaaj deklaratës së Kanye duke u shprehur s gjesti i saj ndaj fansit ishte i paqëllimshëm për të fyer Travis Scott.
View this post on Instagram
Nga ana tjetër, gjyshërit e një vajze të vogël 9 vjeçare, e cila mbeti viktimë në koncertin “Astroworld” kanë reaguar në lidhje me veprimin e reperit ndaj Billie Eilish.
“Të dëgjosh këto fjalë të Kanye-t janë tepër fyese për ne. Çfarë idiotësirash nxjerr nga goja”, është shprehur gjyshi i vogëlushes së ndjerë për Rolling Stone.
Nga ana tjetër, gjyshja e vajzës ka thënë se Eilish duhet të përgëzohet për ndihmën që i dha fansit të saj në koncert në vend që të sulmohet në këtë mënyrë.
