Një ndër ndërhyrjet estetike më të diskutuara të këtij viti ka qenë zvogëlimi i gjoksit të këngëtares Çiljeta Xhilaga. E ftuar në emisionin “Zonë e lirë”, ajo ka treguar arsyet përse mori iniciativën për të zvogëluar numrin e gjoksit.
Këngëtarja u shpreh se realizoi një ndërhyrje estetike si urgjencë për të ruajtur shëndetin e saj. Ajo tha se, për shkak të problemeve që pati me shtyllën kurrizore, ishte e detyruar të bënte një ndërhyrje të tillë.
E pyetur nëse partneri i saj ishte mërzitur për ndërhyrjen që ajo ka bërë për zvogëlimin e gjoksit, ajo e ka mohuar një gjë të tillë duke thënë se ai nuk ishte shqetësuar aspak. Mirëpo, duket se kjo deklaratë e shkurtër i ka shpëtuar Çiljetës, pasi vetëm pak më tej, ajo dhe moderatori Arian Çani, thanë se kishin bërë një pakt për të mos folur për këtë temë.
Megjithatë, nuk është i fshehtë fakti që prej disa muajsh tashmë, Çiljeta përflitet për një marrëdhënie me portierin e ekipit të “Partizanit”, Alban Hoxha. Ndonëse më parë ajo e ka mohuar një gjë të tillë duke thënë se ajo dhe Hoxha janë miq prej vitesh komentet e shkëmbyera ne rrjete sociale kanë ngritur gjithnjë e më tepër dyshime.
