Lajmi më i rëndësishëm te Java e Modës në Nju-Jork? Direkt te konsumatori. Ky ishte sezoni kur Nju-Jorku solli me të vërtetë konceptin e “shiko tani, bli tani”.
Liderët e industrisë Ralph Lauren, Tommy Hilfiger dhe Tom Ford ndryshuan sistemin tradicional të shfaqjes së modës dhe prezantuan në vjeshtë produktet që ishin gati për shitje të menjëhershme.
Po ndër të tjerat ajo që ka rëndësi është që koleksionet me rëndësi janë ato që sollën origjinalitet.
1.Thom Browne
Shfaqjet e Thom Browne janë ndër më tërheqëset në skenën e Nju-Jorkut, por nganjëherë veshjet duket se vijnë nga një botë tjetër për t’u lidhur me përditshmërinë. Por ky koleksion ishte ndryshe, me shumë mjeshtëri dhe i thjeshtë.
2.Hood By Air
Koleksioni i tij të jep ndjesinë e një grupimi të fshehtë. Tani shfaqja e tij është një nga biletat për hyrje më të kërkuara nga njerëzit e “Hollywood”-it. Një bashkëpunim me PornHub tërhoqi vëmendjen këtë sezon, me faktin se si Oliver vazhdon të përmirësojë prishjen e rregullit të stilit.
3.Rodarte
Koleksioni i pranverës i Kate dhe Laura Mulleavy ngjante si pjesa e tretë e trilogjisë, që arrinte kulmin e saj me veshjet me dantellë, zbukurime delikate dhe gurët e çmuar. Fustanet e tyre janë të parezistueshme.
4.Alexander Wang
Në karrierën e Alexander Wang, koleksioni Pranverë 2017 do të pranohet së tepërmi pasi ajo prezantoi bashkëpunimin me Adidas Originals. Por mos harroni 62 veshjet që vijnë para atyre paraqitjeve finale bardhezi.
5.Proenza Schouler
Pas disa sezoneve të zbehta, Jack McCollough dhe Lazaro Hernandez nxorrën sharmin e tyre magjik, duke prezantuar një koleskion pranvere të shpërthyer nga ngjyrat, volumet dhe prerjet me mjeshtëri.
6.Diane von Furstenberg
Talenti skocez, Jonathan Saunders, nuk humbi kohë duke i dhënë Diane von Furstenberg një rifreskim. Vetëm pas 3 muaj e gjysmë që u vendos si drejtor kreativ, prezantimi i fustaneve me lidhje ishin një nga emocionet e javës.
7.Gypsy Sport
Dizajnuesit e rinj dhe të vjetër, por përgjithësisht të rinj, po e rikonceptojnë mënyrën se si shfaqja e modës mund të zhvillohet. Ajo e Gypsy Sport, që krijon rroba, solli një prezantim imagjinues që përfshinte tregimin “qesh me zë të lartë”.
8.Marc Jacobs
15 vite pas bashkëpunimit të tyre të parë, Marc Jacobs bashkëpunoi sërish me artisten Julie Verhoeven. Çantat, platformat, veshjet me kapuç dhe palltot sensacionale ishin një nga gjërat më të bujshme.
Burimi: Vogue
