Këngëtarja Fifi është një personazh shumë i njohur dhe i komentuar nga publiku shqiptar, jo vetëm si rrjedhojë e talentit të saj, por edhe për ngjarjet që ajo ka krijuar gjatë qëndrimit të saj në shtëpinë e “Big Brother VIP Albania”
E thënë dhe nga vetë moderatorja e emisionit, një nga ngjarjet më të klikuara dhe më të përfolura të publikut gjatë emisionit ka qenë videoja në të cilën Fifi është përfshirë shumë emocionalisht në debat, duke i rënë të fiktë në transmetim “live”.
Kjo situatë vazhdon ende të komentohet nga shqiptarët, dhe mesa duket, këngëtarës nuk i pëlqn kjo gjë, duke u ndjerë e bullizuar.
Këtë pakënaqësi ajo e ka ndarë me ndjekësit e saj në “Instagram”, pas marrjes së një komenti negativ.
Ajo publikoi një foto në të cilën shkruhej “Nuk ishte tërmet, u rrëzua Fifi” dhe mbi të ka vendosur të reagojë e zhgënjyer.
“Dhe ja pra miq të dashur kemi edhe kështu lloj njerëzish akoma, ja pra miq të dashur 27 vjet unë i kam kaluar me njerëz të tillë nëpër këmbë, por si puna ime, sa janë? Pastaj mund të thoni që Fifi ka probleme? Ka Fifi apo njerëzit me Fifin? Po si mua sa njerëz të tjerë bullizohen në ditë? Si puna ime sa femra të tjera përqeshen e nëpërkëmben? Sa njerëz të tjerë plasin e munden e ti bëjnë dëm vetes? Marre, marre, marre! Ndërkohë ty dhe shumë të tjerëve jau kam lënë Zotin o njerëz pa njerëzi”.-shkruan ajo.
