Pesë persona u vranë dhe më shumë se 40 u plagosën pasi një makinë kaloi me shpejtësi në një paradë të Krishtlindjeve në Waukesha, Wisconsin, të dielën, duke rrëzuar dhjetëra njerëz.
“Në këtë moment, ne mund të konfirmojmë se pesë persona kanë vdekur dhe mbi 40 janë lënduar. Megjithatë, këto shifra mund të ndryshojnë pasi ne mbledhim informacion shtesë”, tha Departamenti i Policisë Ëaukesha në faqen e saj në Facebook.
Shefi i policisë së Waukesha, Dan Thompson, më herët u tha gazetarëve se një person i dyshuar ishte në paraburgim dhe një automjet ishte gjetur pas incidentit në qytet, rreth 32 km në perëndim të Milwaukee.
Nuk dihej nëse incidenti kishte lidhje me terrorizmin, por nuk kishte asnjë rrezik të mëtejshëm dhe një urdhër i mëparshëm strehimi në qytetin me rreth 72,000 banorë ishte hequr, tha Thompson.
Thompson tha se një oficer qëlloi me armë në automjet në një përpjekje për të ndaluar masakrën.
Presidenti Joe Biden u informua nga ndihmësit për ngjarjet, tha një zyrtar i Shtëpisë së Bardhë.
“Shtëpia e Bardhë po monitoron nga afër situatën në Waukesha dhe zemrat tona janë me të gjithë ata që janë prekur nga ky incident i tmerrshëm. Ne kemi kontaktuar me zyrtarët shtetërorë dhe lokalë për të ofruar çdo mbështetje dhe ndihmë sipas nevojës”, u tha në një deklaratë.
BREAKING: First video of a red Ford Escape breaking through barriers after mowing down parade goers and firing rifle into crowd in Waukesha, WI pic.twitter.com/QHDi2fsKDz
— David Kimball (@wxandnews) November 21, 2021
You can hear screams in this video as people react to the vehicle driving through the Christmas parade in #Waukesha, Wisc. pic.twitter.com/ODUj34r4yv
— Andy Ngô ?️? (@MrAndyNgo) November 22, 2021
