“Paramount Pictures” ka konfirmuar se do të rikthejë transformuesit, me filmin e ri “Transformers: The Last Knight”.
Filmi i pestë i sagës “Transformers” po pritet me padurim nga fansat, ndërkohë që fotot që vijnë nga sheshxhirimi i Londrës do ta bëjnë edhe më të ethshëm padurimin.
Disa supermakina vinin vërdallë në kryeqytetin e Anglisë, përfshirë një “Lamborghini Centenario”, një “Chevrolet Camaro” dhe një “Aston Martin DB11”.
Mes tyre ishte edhe një “McLaren 570” kuqezi, që shkon nga 0 në 100 km/h për 3 sekonda dhe ka një shpejtësi maksimale 330 km/h.
Ndërkohë, “Lamborghini Centenario” është vetëm një nga 40 të ndërtuara dhe për këtë arsye kushton rreth 2 milionë euro. Trupa e xhirimit po filmonte një skenë ndjekjeje nga policia.
“Transformers: The Last Knight” do të shohë rikthimin e Mark Wahlberg si Cade Yeager, Josh Duhamel si koloneli Lennox, Tyrese Gibson si Robert Epps dhe Stanley Tucci si Joshua Joyce.
*Shfleto galerinë
