Një natë kupton se po pret atë që nuk do të vijë kurrë. Vrapon sa herë bie zilja e atij telefoni të mallkuar, me shpresën se është ai, por AI nuk telefonon kurrë. E kupton kur je tepër e lodhur, shumë e trishtuar për të kërkuar justifikime për sjelljen e tij.
Përherë të njëjtat. Justifikime të cilave nuk u beson më as ti. Ndaj nis e vepron. Kupton se je dashuruar me një maskara, e që një mashkull si ai nuk do të ndryshojë kurrë.
Do të dalë gjithmonë diçka që do ta mbajë të zënë, diçka që është përherë më e rëndësishme, gjithmonë më urgjente se sa të rrijë pranë teje. Është e shëmtuar të mësohesh me dhimbjen.
Është shëmtuar që të vuash gjithmonë, sepse e bind veten se lumturia reduktohet pikërisht në këtë: Çaste të mrekullueshme në një det me momente të trishta!
E nuk është kështu në fakt, por një zë i mekur brenda teje ta përsërit që ta besosh.
Por thellë teje je sërish ai person që në të kaluarën besonte në dashurinë e vërtetë e që s’do të kishte pranuar kurrë të jetonte në një situatë të tillë.
Ndodh që një ditë diçka shumë e rëndësishme për ty, për të cilën s’duhet kurrë të hiqje dorë, shkatërrohet. Mund të jetë çfarëdolloj gjëje, ndoshta dhe banale, që për të tjerët s’ka asnjë rëndësi, por për ty do të thotë shumë… Dhe kur pas dhjetëra e qindrave herëve kupton që nuk je një prioritet atëherë dorëzohesh!
Vihesh përballë një situate që s’ke dashur ta shohësh për kaq shumë kohë. Të tjerët të kishin paralajmëruar, por t’i nuk ja kishe vënë veshin.
Është shumë e shëmtuar të kuptosh që ke dështuar sidomos në çështjet e dashurisë, që kë dhënë tërë veten tënde në një lidhje, ke bërë shumë sakrifica, e ke qarë shumë netët më radhë për dikë që s’të ka merituar.
Vetja jote që e donte atë me sy mbyllur duhet të vdesë! Po, po! Në kuptimin që duhet ta lësh atë pjesë tënden të ikë dhe t’i lësh vendin vetes tënde që mendon pozitivisht dhe është e gëzuar. Lërë të ikë atë dashuri që të ka dhënë shumë, por të ka shkatërruar po aq shumë…!
Atë dashuri që gjithmonë do ta kujtosh, me një hije trishtimi, për atë që mund të kishte qenë vetëm nëse Ai do të donte…!
Burimi: Donne.co
