Fotografi shqiptar, Fadil Berisha, njihet në mbarë botën për punën e tij dhe teknikën e veçantë, ndërsa është tashmë i preferuari i shumë prej të famshmëve.
Nëse hyni në profilin e tij në rrjetet sociale do të dalloni imazhet e shumë personazheve të huaja dhe shqiptare, që kanë pozuar para lentës së kamerës së Fadil Berishës.
Së fundmi ka qenë ylli i njohur i muzikës xhaz dhe pop, Michael Buble, ai që ka punuar me fotografin shqiptarin për një set që pritet të publikohet së shpejti.
Nga postimet në “Instagram”, kuptojmë se kemi të bëjmë me një fushatë për promovimin e orës “Rolex”.
Këtë e ka bërë të ditur vetë fotografi, ku ka publikuar dy nga fotot e realizuara me fituesin e çmimeve “Grammy”.
Michael Buble është pjesë e listës së personazheve të famshëm që janë fotografuar nga Fadil Berisha, si Zendaya, Snoop Dog, Bebe Rexha etj.
*Shfleto galerinë
Burimi: Instagram
