Miss Universe Kosova zgjidhet një vajzë argjentinase

Një vajzë nga Argjentina është përzgjedhur Miss Universe Kosova. Camila Barraza, 23 vjeçe nga, Buenos Aires, do të përfaqësojë Kosovën në eventin që do të mbahet në muajin janar të vitit 2017.

Përzgjedhja e një shtetase të huaj për të përfaqësuar Kosovën nuk është pritur mirë nga qytetarët, të cilët përmes rrjeteve sociale kanë shprehur pakënaqësitë e tyre.

Me qindra komente kanë shkuar në adresën e organizatores së “Miss Kosova 2016” Agnesa Vuthaj, pas shpalljes së vajzës nga Argjentina, si Miss Universe Kosova.

Po kush është Camila Barraza? Lidhjet me Kosovën për argjentinasen nuk lindin e as nuk mbarojnë me spektaklin ‘Miss Kosova 2016’.

Në fakt, ajo është e lidhur me një kosovar të quajtur Haris Cocaj të cilin nuk e ka fshehur në rrjetin social “Instagram” ku ka të postuar dhjetëra foto me të.

Ndërkohë, bukuroshja Donika Hoxhaj është zgjedhur Miss Miqësia në spektaklin e bukurisë “Miss Kosova 2016”.

Ndërsa çmimin Miss Eleganca e ka fituar bukuroshja Bleranda Çitaku. Të dyja janë futur në Top 10-çen e më të bukurave.

*Shfleto galerinë