Këngëtarja dhe kantautorja me origjinë shqiptare Bebe Rexha është nisur nga Los Angeles për në Tiranë, ku do të mbajë koncertin më 9 shtator.
Biondja e talentuar e muzikës që ka bashkëpunuar me disa prej emrave më të famshëm si Rihanna, Eminem, Selena Gomez, Nicki Ninaj etj, do të jetë mbrëmjen e së premtes në një koncert madhështor në sheshin “Nënë Tereza” në kryeqytet.
27-vjeçarja ka lajmëruar ndjekësit e saj në “Snapchat” se është nisur drejt Tiranës dhe për këtë fakt shprehet shumë e emocionuar. Së bashku me Dj-in e njohur Fatboy Slim dhe grupin Honne, Bebe Rexha pritet të ndezë atmosferën në koncertin “Electronic Beats”.
