Tayna, është një ndër emrat më të ndjekur në rrjete sociale. Ajo numëron mijëra fansa dhe ndan shpesh me ta momente nga përditshmëria, duke u përpjekur t’i përfshijë ata sa më shumë në jetën e saj.
Në çdo gëzim familjar, Tayna e ka të pamundur të mos publikojë një foto me personat e saj të dashur, të ëmën dhe të atin. Siç e dimë, reperja është vajzë e vetme dhe sigurisht është tepër e lidhur me ta.
Ajo është “e llastuara” e babit, i cili i ka dhuruar momente emocionuese duke e surprizuar në kinema dhe dedikuar fjalët më të ndjera që vetëm një prind di të thotë për fëmijët e tij.
“Prindërit e mi më surprizuan me këtë video në kinema”, shkruan reperja krahas imazheve të të atit.
Kujtojmë se “Ti harro”, bashkëpunimi i parë mes Taynës dhe Azet rezultoi një hit i vërtetë i kësaj vere. Kjo këngë ka arritur një super sukses në një kohë shumë të shkurtër.
Mirëpo Tayna dhe Azet nuk i kanë mbyllur ende punët me njëri-tjetrin dhe së shpejti do të vijnë me një tjetër bashkëpunim. Burime për “Prive” kanë bërë të ditur se Tayna dhe Azet do të mbyllin verën në muajin gusht me një tjetër duet. Është mësuar se projekti i dytë i reperëve mban titullin “Tekila” dhe do të jetë një miks mes dy gjuhëve, shqip dhe gjermanisht. Paraprakisht Tayna do të publikojë dy këngë të tjera, një solo me videoklip të realizuar në Shqipëri dhe një bashkëpunim tjetër. Siç duket Tayna do të jetë kryefjala e këtij sezoni dhe kjo falë punës së saj dhe përkushtimit total në muzikë.
Ndërkohë më herët është raportuar se Tayna ka bashkuar forcat për një tjetër duet me një reper shumë të njohur shqiptar. Bëhet fjalë për Don Xhonin, i cili ka marrë një famë shumë të madhe në një hark kohor prej 1 viti. Dyshja do të vijnë shumë shpejt me një bashkëpunim, që ndryshe nga “Magdalena” me Florin nuk do të ketë në qendër një histori dashurie.
