Këto kohë kanë qenë disi të vështira për Jennifer Lopez për shkak të ndarjes me Alex Rodriguez. Megjithatë ajo nuk ka ndalur për asnjë moment punën për projektet e saj më të reja. Së fundmi është bërë e ditur se “Shotgun Wedding”, një komedi romantike me protagonistë J. Lo-në dhe Josh Duhamel, do të mbërrijë në ekran në verën e ardhshme.
Filmi i ‘Lionsgate’ është planifikuar të shfaqet më 29 qershor të vitit 2022. Në “Shotgun Wedding”, Darcy e luajtur nga (Lopez) dhe Tom nga (Duhamel) të cilët i mbledhin familjet e tyre për një martesë.
Aktori i famshëm, Armie Hammer ishte planifikuar më parë të luante përkrah Lopez, por u tërhoq nga filmi në janar pas akuzave për abuzim seksual. Ai ka qenë në qendër të vëmendjes mediatike ditët e fundit për shkak të disa mesazheve që u bënë publike. Emri i tij filloi të përflitej gjithandej pasi u bënë publike disa mesazhe që mendohet se janë dërguar prej tij tek femra të ndryshme kanë përmbajtje që tregojnë fantazitë e tij ekstreme seksuale. Madje ai është akuzuar edhe për kanibalizëm, pasi në disa mesazhe ishte shprehur kishte dëshirë t’i priste të dashurës gishtin e këmbës dhe ta mbante me vete në një kuletë.
Pak pas largimit të tij, “Shotgun Wedding” filloi xhirimet të cilat u përfunduan në fillim të kësaj jave. Pjesë e këtij filmi do të jenë gjithashtu: Jennifer Colidge, Lenny Kravitz dhe Cheech Marin.
