Në fillim të këtij muaji, moderatorja Elita Rudi dhe reperi Gjiko u bënë prindër për herë të dytë. Elita solli në jetë vogëlushen të cilën e pagëzuan me emrin më të veçantë që kishim dëgjuar, Bota!
Mirëpo, emri super i veçantë i bebushes, të cilin e ka zgjedhur Gjiko, është paragjykuar shumë nga publiku, siç tregoi edhe vetë Elita.
“I kisha pyt ata që paragjykojnë pse është e pranueshme emrin Ylli, Marsi, Venera (Venus), Bora, Dielli, etj. e jo Bota?”, shkroi Elita në një postim.
Menjëherë pas lindjes, mami dhe babi i hapën Botës një llogari personale në Instagram dhe Gjiko me Elitën nuk ngurruan të zbulonin portretin e të voglës. Madje mami Elita dhe e vogla Bota janë bërë gati sot për një set fotografik profesional.
Ka qenë Rezarta Shkurta ajo që e ka zbuluar këtë gjë, teksa ka publikuar një video shumë të ëmbël të Elitës me vogëlushen. Rudi shfaqet e veshur me një fustan të bardhë në material tyli ndërsa mban në krahë të voglën e familjes dhe e ushqen me qumësht gjiri. Sigurisht ky është një nga momentet më magjike për një grua dhe po i njëjtë do të jetë edhe ky set fotografik për ato të dyja si nënë e bijë.
Pas shumë vitesh kur Bota të jetë rritur e të jetë bërë një zonjushë e bukur, ky do të jetë me siguri për të dyja një nga kujtimet më të bukura.
