Bledi Mane pas 17-ditësh ka fituar betejën me Covid-19. Këtë lajm e ka bërë vetë të ditur nëpërmejt një postimi në “Facebook” nëpërmjet të cilit ka dhënë një mesazh për të gjithë ata që nuk e kanë kaluar ende. Ai ka rrëfyer se lufta e tij me koronavirusin nuk ka qenë aspak e lehtë.
“Pas 17-ditëve betejë me Covid-19 po i rikthehem gradualisht normalitetit… Faleminderit mjekëve, familjarëve, miqve, kolegëve, gjithkujt që më dha kurajo dhe ndihmë. Nëse nuk e keni kaluar bëni kujdes, nëse e keni kaluar orientoni të tjerët. Kujdesuni për shëndetin, asgjë nuk ka vlerë para shëndetit tuaj”, shkruan Mane bashkëngjitur fotos së tij.
Ndërkohë para pak ditësh, një ndër emrat jo pak të njohur të ekranit, Ina Kollçaku, ka treguar se është infektuar me Covid-19.
Duket se as ajo s’ka mundur t’i shpëtojë dot virusit, i cili e ka “rraskapitur” dhe e ka lënë në gjumë për 17 orë, siç ka treguar vetë Ina.
Në një status në InstaStory-n e saj, Ina ka shkruar:
“Kam qenë duke fjetur për 17 orë. Si po e përballoj Covid-19.”
Megjithatë, Ina nuk ka treguar ç’simptoma të tjera ka pasur dhe si është tashmë gjendja e saj shëndetësore dhe ne i urojmë shërim sa më të shpejtë.
