Sot, reperi shumë i dashur për publikun shqiptar, Gjiko, feston ditëlindjen e tij.
Ai ka lindur më 3 janar të vitit 1991 dhe sot mbush plot 30 vjet! Ndaj, këtë ditë kaq speciale nuk e ka kaluar pa një festë të madhe me personat e tij të zemrës.
Ishte Elita ajo që organizoi një super festë ditëlindjeje, ku mblodhi të afërmit e miqtë e tyre dhe ndau pamjet në rrjete sociale.
Në njërin kënd, ajo kishte vendosur dhuratat për partnerin dhe krahas videos shkruante “30 dhurata për 30 vjet”.
Gjiko dhe Elita janë në pritje të fëmijës së tyre të dytë dhe do ta bëjnë shumë shpejt Zërin me një motër.
Andaj, ajo ka marrë një pushim nga televizioni. Në fakt, e ftuar në “5 data” ajo tregoi se sapo ishte stabilizuar me punën e saj kur mësoi për shtatzëninë e dytë, por shtoi se për familjen i sakrifikon të gjithë, madje edhe punën.
Elita iu rikthye ekranit 1 vit pas lindjes së Zërit dhe me siguri duhet të presim edhe të paktën një vit tjetër që ta shohim sërish në krye të ndonjë emisioni.
Deri atëherë lë të mjaftohemi me intervistat që ajo jep dhe postimet në rrjetet sociale.
Para dy viteve zgjidhja e Gjikos dhe Elitës për emrin e të voglit u komentua gjatë dhe shumë e pëlqyen këtë emër shqiptar.
E megjithatë duket se ka disa ndjekës të çiftit që nuk e pëlqejnë këtë emër dhe emrat shqiptarë në përgjithësi. Moderatorja ka ndarë një mesazh të një fanseje në Instastory, ku ajo shkruan se “Ju andej nga Shqipëria vendosni emra palidhje, Zëri, Ajka, etj. Nuk mendoni për të ardhmen e fëmijës sesi mund të tallen të tjerët.”
Mirëpo, Elita nuk është aspak e këtij mendimi. Ajo i është kundërpërgjigjur:
Zonjë e dashtun, pastë gjithmonë shëndet djali yt Noi. Por mos bëj dert për Zërin dhe Ajkën se do e mbajnë me krenari emrin e tyre shqiptar. Puthje!
