Në pamje të parë, koronavirusi (Covid-19) dhe gripi kanë shumë ngjashmëri në simptomat e tyre dhe pikërisht kjo gjë i konfuzon të sëmurët dhe i shton më shumë ankthin.
Sipas studimit më të ri të bërë nga Universiteti i Hasselt në Belgjikë dhe Spitalit Jessa, ndërmjet gripit të zakonshëm dhe covid-19 ka disa ndryshime në shumë aspekte.
Në studimin e raportuar nga studiuesi Het Belang van Limburg, zbulohet se njerëzit e infektuar me grip kanë për shembull ethe më të larta dhe rritje të numërit të qelizave të bardha të gjakut.
Po ashtu studiuesi tjetër i po këtij studimi, Valentino D’Onofrio, zhvilloi një studim krahasues mbi 103 pacientë të gripit të pranuar në spital nga shkurti 2019 deri në shkurt të vitit 2020, si dhe të 113 pacientëve me Covid-19 të shtruar në Jessa midis marsit dhe fundit të majit.
“Duke përdorur parametra klinikë dhe kërkime laboratorike, ne ishim në gjendje të gjenim shumë ndryshime të rëndësishme midis Covid dhe gripit”, shpjegoi studiuesi Valentino D’Onofrio.
Përveç etheve më të larta dhe numrit të qelizave të bardha të gjakut, pacientët me grip gjithashtu kishin më shumë bashkë-infeksione bakteriale.
Nga ana tjetër, pacientët me Covid-19 kishin më shumë lëndë inflamatore në mushkëri.
Studimi mund të jetë një ndihmë e çmuar në diferencimin midis pacientëve në një kohë ku falë testit të shpejtë anti-gen, duhen tre orë për të marrë rezultatin e një testi Covid-19 mbi një pacient të pranuar në Urgjencë me simptoma të rënda.
“Tani që kemi një njohuri më të mirë të ndryshimeve midis gripit dhe Covid-19, ne mund të zvogëlojmë kohën e pritjes dhe të zbatojmë masat e izolimit akoma më shpejt. Për më tepër, ne mund të marrim vendime më të shpejta për trajtimin adekuat, i cili do të ndihmojë në shpëtimin e jetës së pacientëve”, theksoi studiuesi D’Onofrio./Iconstyle.al/
