Teksa ne presim publikimin e “Phantom”, duket se Butrinti po përgatit surpriza të tjera.
Ai ndodhet në Tiranë dhe diçka po kurdis dhe neve na ngjan me një videoklip të ri. Ka qenë vetë këngëtari që ka postuar disa Instastory, ku shihet i veshur me një kostum ngjyrë bizele dhe një bluzë të bardhë.
Ai po ashtu ka postuar një video teksa bëhet gati në dhomën e hotelin e në sfond dëgjohet një këngë “Dakiti” e Bad Bunny.
Disa javë më parë, Butrinti na paralajmëroi se do publikojë ‘Phantom’, i cili ishte zbuluar nga protagonistja Dorina Gegiçi që në verë, por ende nuk kemi të reja.
Këngëtari ndau në rrjetet sociale edhe disa foto nga videoklipi, por nuk dimë se ku do publikohet kjo këngë.
View this post on Instagram
View this post on Instagram
Pak javë më parë Butrint Imeri ka publikuar në kanalin e tij në You Tube dhe në rrjetet sociale një këngë 1:36 minuta të gjatë, si një surprizë të bukur për fansat.
Ai shihet i ulur në tokë teksa këndon për dashurinë. Edhe një herë, këngëtari na vjen me nota melankolike duke na treguar për mallin që e mundon për ‘atë’ që është larguar papritur. (në këngë)
Projekti titullohet “Anlasana” dhe për shumë fansa ky ishte një emër i dëgjuar, madje edhe vija melankolie. Bëhet fjalë pikërisht për këngën e turkut Haluk Levent, e cila mban të njëjtin titull.
Rreth një muaj më parë në Internet qarkulloi kënga e re e këngëtarit e titulluar “Gjeje”. Natyrisht ishte vetëm në versionin audio dhe nuk dihet se si kjo këngë ka dalë nga studioja për tu shpërndarë në rrjet pa lejen e tij.
Tashmë ajo është fshirë nga You Tube, teksa vetë Butrinti nuk ka reaguar rreth kësaj teme.
