Moderatorja Fiori Dardha ka hapur zemrën në një rrëfim të sinqertë në Instagram, duke prekur zemrat e të gjithëve.
Ajo ka treguar se kjo nuk është një periudhë e lehtë për të, pasi e ëma po përballet me sëmundjen më të tmerrshme në botë.
“Mami po lufton me sëmundjen më të tmerrshme në botë dhe për mua është gruaja më e fortë mbi tokë. Tani ndodhet në shtëpi, shkojmë në spital vetëm për të bërë kimioterapinë”, ka treguar Fiori për ndjekësit e saj.
Moderatorja rrëfen se ndodhet gjatë gjithë kohës pranë të ëmës, të cilës mundohet t’i japë sa më shumë forcë e dashuri për ta përballuar këtë sëmundje të tmerrshme.
Ajo i jep kurajo se gjithçka do të shkojë mirë dhe është një shembull që duhet marrë nga kushdo që po kalon një situatë po kaq të vështirë.
Por, në fund të ditës jemi njerëz dhe ndodh që ndjenjat të na “mundin”.
Si po e përballon Fiori këtë situatë të rëndë? Duke qarë fshehurazi, siç ajo vetë tregon.
I urojmë shërim sa më të shpejtë mamasë së moderatores!
