Është shënuar viktima e 129 në vend nga koronavirusi.
Një 74-vjeçar, i shtruar prej ditësh në spitalin Infektiv ka ndërruar jetë. Dosja.al shkruan se i moshuari prej ditësh ishte shtruar në spital dhe mbrëmjen e djeshme ka ndërruar jetë.
I moshuari kishte disa ditë që ishte në terapi intensive dhe gjendja e tij ishte rëndëuar. Ai vuante nga sëmundje të tjera bashkëshoqëruese.
Ende nuk ka një informacion zyrtar nga Ministria e Shëndetësisë, e cila do të dalë me një përditësim në orën 16:00.
Dje ministria njoftoi se brenda 24 orëve të fundit COVID-19 ka shkaktuar 5 viktima dhe 104 raste të reja të infekuara.
Betejën me virusin nuk e ka fituar dot një 45-vjeçar nga Tirana pa sëmundje të tjera, një 64-vjeçar nga Tirana dhe një 68-vjeçare nga Pogradeci.
Po ashtu sot ka vdekur, një 45 vjeçare nga Kruja pa sëmundje të tjera dhe një 77-vjeçar nga Tirana me sëmundje bashkëshoqëruese.
Shpërndarja gjeografike e rasteve është si vijon: 60 raste në Tiranë, 9 në Fier, 8 në Krujë, 7 në Elbasan, nga 4 raste në Berat, Kukës, nga 2 raste në Korçë, Lezhë, Pogradec, Përmet, nga 1 rast në Shkodër, Ura Vajgurore, Malësi e Madhe, Klos.
/Iconstyle.al
