Të gjithë jemi dëshmitarë të asaj që po ndodh në Shqipëri dhe në Kosovë me numrat e të infektuarve dhe viktimave nga Covid-19 gjithnjë në rritje.
Ndonëse duhet të ishim duke kaluar një verë të qetë, pasi virusi të kishte ulur agresivitetin, në fakt po ndodh e kundërta dhe ne po hasim në shifra rekord, madje po diskutohet sërish rikthimi i karantinës, sikundër ka ndodhur në disa qytete në Kosovë.
Në një kohë kur rreziku është më i pranishëm se kurrë, duhet të jemi shumë të kujdesshëm dhe të përgjegjshëm për mënyrën e të sjellurit në një kohë kur prej muajsh bashkëjetojmë me Covid-19.
Dhe një nga gjërat më të domosdoshme në këtë moment është padyshim edhe vendosja e maskës, një nga mesazhet më të rëndësishme këto kohë dhe këshillat më të vlefshme të të gjithë ekspertëve.
Këta të fundit kanë kërkuar që vendosja e maskës në vendet e mbyllura të bëhet e detyrueshme me ligj, por ende nuk ka një reagim nga qeveria.
E teksa kjo e fundit mendohet, për ne nuk duhet të ikë asnjë sekondë, pasi humbja e vigjilencës në këtë moment kushton jetë.
Dhe këtë mesazh shumë të rëndësishëm ka përcjellë Yll Limani pasditen e sotme, ku ka shpërndarë një foto me maskë në Instastory dhe shkruan:
Vendoseni maskën ju lutem!
Ky është padyshim një apel që duhet brohoritur me të madhe në këto kohë nga të gjithë ne, e sidomos nga figurat publike.
Mos harroni se virusi është mes nesh dhe duhet të jemi më të kujdesshëm se kurrë.
Kujtojmë se në 24 orët e fundit në vendin tonë janë regjistruar 2 viktima dhe shifra rekord të infektuarish, 117 persona, teksa po rihapet spitali Covid 2. Ndërkohë në Kosovë situata duket edhe më alarmante pasi janë identifikuar 216 raste të reja.
https://www.instagram.com/p/CCUJa6mAKyx/?igshid=15z9mr1zhdo48
