Lëkundje tërmeti janë ndjerë pranë qytetit të Vlorës pak minuta më parë.
Sipas të dhënave të ESMC-së, magnituda e tërmetit ka shënuar 3.4 të shkallës rihter.
Lëkundjet sizmike kanë qenë me epiqendër 7 km në veri të qytetit bregdetar dhe thellësia e tyre ka qënë vetëm 2 km.
Përveç frikës që ka shkaktuar te banorët nuk raportohet për dëme në njerëz apo materiale.
Kohët e fundit, vendi ynë është lëkundur herë pas here nga tërmete të ndryshme, që sipas sizmiologëve lidhen me tërmetin e 26 nëntorit.
