Më në fund me vendim të Këshillit të Ekspertëve transporti publik do hapet dhe lajmi është dhënë nga ministrja e Shëndetësisë, Ogerta Manastirliu.
Manastirliu ka dhënë një deklaratë për shtyp pak minuta më parë,por nuk e bëri me dije datën se kur do hapet transporti publik qytetas apo ndërqytetas.
Po ashtu, ministrja tha se maska do jetë e detyrueshme për ata që udhëtojnë, teksa paralajmëroi se në këtë drejtim nuk do ketë asnjë tolerancë.
Në fund të këtij komunikimi, dua t’ju informoj për vendimin e fundit të Komitetit Teknik të Ekspertëve për transportin publik. Komiteti Teknik i Ekspetëve vendosi heqjen e kufizimit për transportin publik, pra do të vijoj transporti publik ndërqyetetas dhe brenda qytetit, por me disa masa dhe protokolle të veçanta të cilat tashmë janë të miratuara dhe aprovuara nga Ministria e Shëndetësisë dhe Mbrojtjes Sociale. Dua të theksoj se përdorimi i maskës gjatë udhëtimit si për ata që shërbejnë dhe për qytetarët që përdorin transportin publik do të jetë i detyrueshëm. Nuk do të ketë asnjë tolerancë nëse do të konstatohet mosrespektim i këtyre masave dhe rregullave të vendosura që janë të domosdoshme për të mbrojtur shëndetin e popullatës dhe për të mos lejuar përhapjen e SARS-COV2.
https://www.facebook.com/edirama.al/videos/277056596745365/
