Janë rikthyer sërish shifrat e frikshme në vendin tonë, pasi duket se numri i rasteve të reja me Covid-19 është rritur ndjeshëm ditën e sotme.
Ministria e Shëndetësisë informon se gjatë 24 orëve të fundit në vendin tonë janë infektuar 52 persona të tjerë, nga 33 raste të reja që u raportuan ditën e djeshme.
Shpërndarja gjeografike e të identifikuarve pozitivë në 24 orët e fundit është si vijon: 22 të prekur në Tiranë, 9 në Vlorë, 7 në Krujë, 5 në Kurbin, 2 në Fier dhe nga 1 rast në Kamëz, Kavajë, Lezhë, Pukë, Rrogozhinë Delvinë dhe Tepelenë.
Në spitalin Infektiv aktualisht po trajtohen 81 pacientë, 11 prej tyre janë në terapi intensive, ndërsa mosha mesatare e të shtruarve është rreth 61 vjeç.
Ndërkohë, në 24 orët e fundit janë shëruar 36 qytetarë, duke e çuar në 1195 numrin e të shëruarve që nga fillimi i epidemisë.
Në vendin tonë janë aktualisht 807 persona aktivë me COVID19, kryesisht në Tiranë, Shkodër, Durrës.
Shpërndarja gjeografike e rasteve aktive sipas qarqeve:
Tiranë 374
Durrës 152
Shkodër 124
Vlorë 63
Fier 37
Lezhë 20
Korçë 17
Elbasan 10
Kukës 7
Gjirokastër 2
Berat 1
Në deklaratën për media të mëngjesit të sotëm, Manastirliu tha se në kuadër të rritjes së numrit të rasteve të reja me po bëhet gati hapja e spitalit të dytë Covid, një strukturë mbështetëse brenda QSUT (spitali i ish-Kirurgjive).
Po ashtu, ministrja ka theksuar se përveç kësaj strukture spitalore, nëse do të kemi akoma rritje të numrit të rasteve, do të bëhet sërish gai për rihapje spitali Covid 2, Shefqet Ndroqi.