Mëngjesin e sotëm, një grua shtatzënë ka humbur jetën në Klinikën Infektive, pasi ishte paraqitur në gjendje të rëndë shëndetësore.
Pacientja nga Gjakova po qëndronte prej ditësh në mjekim intensiv, ndërsa në orët e para të ditës ka ndërruar jetë.
Ky lajm i rëndë është konfirmuar nga Klinika Infektive e Kosovës.
Ende nuk është bërë e ditur gjendja e foshnjës.
Njoftimi:
“Klinika Infektive e QKUK-së njofton se gjatë orëve të para të datës 21. 04. 2020 në Mjekimin Intensiv të kësaj klinike ka ndërruar jetë pacientja V.P. me vendbanim në Gjakovë (1980) e diagnostikuar me Covid-19. E njëjta, ishte shtatzënë dhe po trajtohej në mjekimin intensive të klinikës që prej datës 15 prill 2020”
Kosova ia ka kaluar vendit tonë për numrin e të infektuarve në vend, i cili ka shkuar 598, ndërsa fatkeqësisht 16 persona kanë ndërruar jetë.
