Qytetarët shqiptarë do të kenë mundësi sot të nisin aplikimin për pagën prej 40 mijë lekësh, pjesë e paketës së dytë ekonomike.
Në portalin e tatimeve duhet të plotësohet formulari “Kërkesë për Përfitim të Ndihmës Finanaciare 2”.
Të gjithë personat që plotësojnë kriteret do të njoftohen në llogarinë e tyre të deklarimit elektronik në e-filling dhe më pas mund të aplikojnë për pagën.
Aplikimi mund të kryehet nga subjekti dhe përfitojnë edhe punonjësit e tij.
Personat që janë regjistruar në më shumë se 1 listë pagese, do të përfitojnë vetëm 1 pagë.
Kujdes! Të dhënat bankare duhet të dorëzohen para kryerjes së aplikimit!
Individët e vetëpunësuar duhet të kenë një llogari bankare personale apo biznesi, ashtu si personat e punësuar të familjes.
Personat që do të përfitojnë pagën 40 mijë lekë janë punonjësit e subjekteve me të ardhura vjetore mbi 14 milion lekë, të mbyllura me urdhër të qeverisë si dhe ato me të ardhura vjetore deri në 14 milion lekë, të cilët kanë ndërprerë aktivitetin.
