Më herët, Organizata Botërore e Shëndetësisë ka publikuar katër trajtimet që mund të kurojnë koronavirusin dhe po testohen në mbarë botën.
Bëhet fjalë për një përbërje eksperimentale antivirale e quajtur Remdesivir; ilaçet për malaries chloroquine dhe hydroxychloroquine; një kombinim i dy ilaçeve të HIV, lopinavir dhe ritonavir; dhe i njëjti kombinim plus interferon-beta, të cilët Organizata Botërore e Shëndetit beson se këto mjekime mund te shërojnë një numër të madh pacientësh.
Sipas një studimi të ri, ilaçi eksperimental antiviral Remdesivir, i cili shpresojmë të mbërrijë sa më parë edhe në vendin tonë, ka dhënë rezultate të reja.
Ai është testuar fillimisht tek majmunët dhe ka arritur të parandalojë përparimin e koronavirusit.
Ilaçi ka dhënë rezultate fantastike, siç njofton Instituti Kombëtar i Alergjive dhe Sëmundjeve Ngjitëse.
Pas trajtimit me Remdesivir, majmunët nuk patën vështirësi në frymëmarrje apo ndonjë dëmtim të mushkërive.
Madje, majmunët që u trajtuan në një fazë më të hershme të infektimit me këtë ilaç, u shëruan plotësisht nga Covid-19.
“Kafshët që u trajtuan me remdesivir, vërtet nuk treguan vështirësi në frymëmarrje si kafshët e tjera. Ne nuk shohim shumë dëme në mushkëritë e tyre. Pra, ilaçi pati qartësisht një efekt shumë pozitiv tek sëmundja”- u shpreh Dr. Emmie de Wit, shefe e Patogjenezës Molekulare në NIAID, në një intervistë për Reuters.
Shkencëtarët vunë re se sasia e virusit të gjetur në mushkëri ishte dukshëm më e ulët në majmunët e trajtuar.
Dr. de Wit po lufton që grupi i shkencëtarëve t’i bëjë ndryshe gjërat këtë herë.
“Po mundohemi të studiojmë trajtime specifike në prova klinike specifike, në mënyrë që të dimë me siguri nëse funksionon apo jo. Nëse nuk funksionon, atëherë thjesht mund ta lëmë mënjanë dhe të vazhdojmë të kërkojmë për atë që do të funksionojë,”- u shpreh ajo.
