Disa ditë më parë Shqipëria bëri gjestin e rrallë për Italinë!
Për të luftuar koronavirusin, vendi ynë dërgoi në shtetin fqinj 30 doktorë dhe infermierë, të cilët janë duke dhënë kontributin e tyre në këto ditë të vështira.
Dy prej tyre, Suela dhe Eduardi janë kujdesur për një pacient italian, i cili ka zgjedhur që t’i falenderojë edhe publikisht me anë të një videoje.
I përlotur, pacienti thotë se shqiptarët janë humanitarë dhe i falenderon për përkujdesin e veçantë.
Videon e ka publikuar në rrjetet sociale Ogerta Manastirliu, e cila tregon për punën e infermierëve shqiptarë.
“Suela dhe Eduardi po përmbushin misionin e tyre humanitar në ndihmë të popullit mik italian, për të cilin ruajnë një lidhje të veçantë. Sot, ata kanë mirënjohjen e pacientëve të prekur nga #covid19 në spitalin e Breshias dhe të gjithë së bashku, 30 mjekë e infermierë shqiptarë që po shërbejnë në vendin fqinj në këto ditë të vështira, kanë mirënjohjen dhe respektin e të gjithëve”, shkruan Ogerta në video.
