Mbrëmjen e sotme, në Kosovë është regjistruar viktima e shtatë për shkak të virusit vdekjeprurës Covid-19.
Sipas një njoftimi zyrtar nga Klinika Infektive e QKUK-së, personi që ka humbur jetën është një burrë i moshës 74 vjeç, me iniciale Z.I.
Bëhet e ditur se pacienti kishte edhe sëmundje të tjera shoqëruese dhe s’ka mundur dot të përballojë epideminë, duke ndërruar jetë në spital.
Njoftimi i plotë:
“Klinika Infektive e QKUK-së ka njoftuar se sot më 09.04.2020 në orët e mbrëmjes, në Njësinë e Kujdesit Intensiv të kësaj klinike, ka vdekur pacienti Z.I, i lindur më 1948 nga komuna e Gjilanit, i diagnostikuar me COVID 19. Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese. Kjo është vdekja e shtatë nga Covid-19 në Kosovë”,
Deri tani, Kosova numëron 224 të infektuar me koronavirus, ndërsa ditët e fundit është vënë re një përkeqësim i situatës.
