Pas vendimit të Kryeministrit për të krijuar kordonët sanitarë në tregje për të respektuar distancën fizike, në tregun e Kombinatit u vendos të hënën tuneli dezinfektues.
Hyrja mund të bëhet vetëm përmes një postblloku dhe kushdo që hyn në treg dezinfektohet një më një.
Tregu është me një kalim, dhe asnjë nga qytetarët nuk është lejuar të hyjë pa maskë dhe pa doreza, pasi janë pajisur nga punonjësit e bashkisë me mjetet e mbrojtëse.
Madje, fotoja e tregut të Kombinatit bëri xhiron e mediave më prestigjoze në SHBA, ku iu bë jehonë masave të marra në vendin tonë. (Lexo këtu)
Pas tregut të Kombinatit, Bashkia e Tiranës ka nisur punën për të pajisur të gjitha tregjet publike me kabina dezinfektimi, për të parandaluar përhapjen e mëtejshme të Covid-19.
Pas përfundimit të orarit të tregtimit, ata që merren me heqjen e mbetjeve janë punojësit e pastrimit, të cilët më pas dezinfektojnë edhe tezgat dhe ambientin përreth.
