Deputeti i opozitës, Adriatik Alimadhi, u shtrua në fund të muajit mars në Spitalin Infektiv, pasi rezultoi i prekur me Covid-19.
Bashkëshortja e tij, e cila gjithashtu është infektuar, ndodhet në gjendje të mirë shëndetësore në ambientet e shtëpisë.
Mirëpo, gjendja e deputetit duket se është rënduar së fundmi.
Sipas “Dosja.al”, Alimadhi ka përfunduar në oksigjen për shkak të problemeve me frymëmarrjen.
Nga Spitali Infektiv deputeti komentoi më herët gjendjen e tij shëndetësore, duke u shprehur se ndihet sikur brenda në trup i ka hyrë një “silurus” (lloj peshku), dhe kërkon t’i pushtojë organet.
Vetë Alimadhi zbuloi se ishte infekruar me koronavirus nëpërmjet një statusi në Facebook, ku tregonte gjendjen e tij aktuale nga shtëpia.
