SHBA është kthyer në vendin më problematik, përsa i përket koronavirusit.
Numri i vdekjeve dhe të infektuarve rritet nga dita në ditë dhe në 24 orët e fundit bilanci është sërish tragjik.
Në 24 orët e fundit janë regjistruar 1036 viktima, duke e çuar në 11.907 numrin total të jetëve të humbura.
Rastet e reja me covid-19 janë 13.739, me një total të infektuarish prej 380.743. Shifra rekord nëse krahasohet me Spanjën, Italinë apo dhe vetë Kinën.
Janë shëruar gjithsej 21.309 persona ndërsa 9104 janë në gjendje të rëndë. New Yorku paraqitet si zona më e prekur dhe më problematike nga covid-19. Nga 1036 viktimat e 24 orëve të fundit, 731 janë vetëm në New York.
