Wuhan-i ishte vendi i parë ku u shfaq koronavirusi dhe më pas ai u shpërnda me shpejtësi në të gjithë botën.
Prej ditësh në këtë zonë nuk ishte shfaqur asnjë rast i ri dhe të gjithë shpresuam se virusi vdekjeprurës ishte duke u larguar.
Megjithatë, së fundmi në Wuhan është raportuar një rast i ri dhe bëhet fjalë për një student nga Britania e Madhe.
Mediat lokale raportuan sot, se studenti 16-vjeçar është ‘rasti i parë’ i importuar në qytet, megjithatë ai nuk ka simptoma.
Djali, i njohur me mbiemrin e tij Zhou, kishte udhëtuar në Wuhan nga Newcastle përmes Dubait dhe Pekinit.
Tashmë ai është vendosur në karantinë dhe gjendja e tij shëndetësore do të mbahet nën kontroll.
