Piloti legjendar i NASCAR, Kyle Busch, ka ndërruar jetë në moshën 41-vjeçare. Sipas mediave ndërkombëtare, shkaku i vdekjes ishte një pneumoni e rëndë që avancoi në sepsë, duke shkaktuar komplikacione të menjëhershme dhe fatale.
Familja e Busch konfirmoi lajmin përmes një deklarate, ku u bë e ditur se gjendja e tij shëndetësore ishte përkeqësuar me shpejtësi pas një sëmundjeje të rëndë që çoi në shtrimin e tij në spital.
“Kërkojmë mirëkuptim dhe privatësi në këtë periudhë të vështirë”, thuhej në deklaratën e familjes.
Pak para ndarjes nga jeta, një telefonatë emergjente 911 zbuloi se Busch kishte vështirësi të forta në frymëmarrje dhe po kollitej me gjak, ndërsa ndodhej i shtrirë në dyshemenë e banjës në pritje të ambulancës.
Vetëm pak ditë më parë, piloti kishte kërkuar ndihmë mjekësore pas një gare në Watkins Glen International, pasi sipas raportimeve po përballej me një gjendje gripale dhe probleme me sinusët.
Vdekja e tij ka tronditur botën e motorsportit dhe komunitetin e NASCAR, ndërsa kolegë, tifozë dhe figura të njohura kanë shprehur dhimbjen për humbjen e një prej emrave më të mëdhenj të garave automobilistike.
Kyle Busch kanë lënë pas bashkëshorten e tij, Samantha Busch, dhe dy fëmijët e tyre, Brexton dhe Lennix.
