Italia rezulton vendi më i prekur në Europë dhe dita ditës bilanci i jetëve të humbura është i njëjtë me bilancin e një lufte.
Shifrat e të prekurve dhe të infektuarve nga Covid-19 janë rritur ndjeshëm gjatë ditëve të fundit në Itali.
Brenda 24 orëve të fundit, Italia ka shënuar 662 viktima.
Numri total i jetëve të humbura ka shkuar deri tani në 8,165, ndërsa situata është bërë e papërballueshme.
Në terapi intensive janë 3,612 persona, në struktura spitalore 24,753 dhe 33,648 të tjerë po kurohen në kushte shtëpie.
E gjithë Italia është shpallur zonë e kuqe, ndërkohë që veriu i vendit rezulton më i prekuri nga epidemia.
Në total, numri i rasteve të infektuara me koronavirus në Itali ka shkuar në 80,539.
Deri më sot, në Itali janë kryer 351 060 tampone për të zbuluar të prekurit me Covid-19.
