Në vetëm 1 javë, Spanja ka 3-fishuar numrin e të infektuarve dhe tani është shteti i katërt më i infektuar në botë, pas Kinës, Italisë dhe Shteteve të Bashkuara.
Numri total i vdekjeve në këtë vend ka shkuar deri tani në 2,696, ndërsa janë numëruar 39,673 persona të infektuar.
Situata në Spanjë ka dalë jashtë kontrolli, ndërsa në shtretërit e spitaleve janë gjetur të moshuar të pajetë, të braktisur aty pa i prekur askush.
Ndryshe nga Italia, ku virusi është përhapur në vetëm tre rajone, në Spanjë epidemia është duke u përhapur më shpejt dhe duke infektuar të gjithë territorin kombëtar. Java e dytë e izolimit filloi në mënyrën më të keqe, me 462 viktima në vetëm 24 orë.
