Për shkak të përhapjes së virusit Covid-19, Autoriteti Kombëtar i Ushqimit ka dhënë urdhrin e ri për të parandaluar sa më shumë hapjen e epidemisë.
AKU i ka bërë thirrje të gjithë tregtarëve të frutave dhe perimeve të mbulojnë produktet e tyre me plastmas të tejdukshëm.
Kjo për të shmangur kontaktin me spërklat e mundshme gjatë të folurës apo teshtitjes së personave.
Gjithashtu, udhëzohet që si shitësit, ashtu edhe konsumatorët, të përdorin doreza për prekjen e produkteve.
Ditën e sotme, Shqipëria regjistroi në total 123 raste të infektuara me Covid-19, ndërsa 5 persona kanë humbur jetën për shkak të këtij virusi vdekjeprurës.
