Ditën e djeshme u përhap me shpejtësi lajmi se kancelarja Angela Merkel ishte futur në mënyrë vullnetare në karantinë, duke u vetëizoluar në shtëpi, pasi mjeku i saj, tek i cili Merkel kishte qenë për kontroll të premten, kishte rezultuar pozitiv në testin e COVID-19.
Kështu, Merkel iu nënshtrua testit, përgjigja e të cilit ka dalë negative, por mësohet se kancelarja do kryej edhe disa teste të tjera për tu siguruar që gëzon shëndet të plotë.
Lajmi është bërë i ditur nga zëdhënësi i qeverisë Steffen Seibert, i cili u shpreh:
“Rezultati i provës së provës së sotme është negativ. Teste të mëtejshme do të kryhen brenda ditëve të ardhshme,”.
Mësohet se Merkel po vijon punën nga shtëpia, teksa Gjermania renditet e 5 në nivel botëror për numrin e të prekurve dhe viktimave nga Coronavirusi.
Ajo numëron 27,546 të infektuar dhe 115 viktima, një numër i vogël në raport me popullsinë apo krahasuar dhe me vendet e tjera, teksa në rang botëror kanë humbur jetën 15, 433 persona dhe janë infektuar mbi 358,000 të tjerë. /gazetareforma
