Të gjithë ata qytetarë që tejkalojnë periudhën e vizës afat-shkurtër në Danimarkë mund të penalizohen.
Ministria e Jashtme njofton shqiptarët që ndodhen në Danimarkë se për ta nuk do të jetë e mundur të aplikohet për shtyrje vize afat-shkurtër pasi Shërbimi Danez i Emigracionit do të jetë i mbyllur edhe online.
Njoftimi i plotë:
Ministria për Evropën dhe Punët e Jashtme informon të gjithë qytetarët që ndodhen në Danimarkë, se Shërbimi Danez i Emigracionit ka vendosur të mos marrë parasysh periudhën e tejkalimit të vizës afat-shkurtër, në rast se qytetarët nuk kanë pasur mundësi të lenë Danimarkën, për shkak të anulimit të fluturimit, ose shkaqe të tjera që i kanë detyruar të qëndrojnë në shtetin danez.
Por, MEPJ gjithashtu bën me dije se nuk është e mundur të aplikohet për shtyrje vize afat-shkurtër pasi Shërbimi Danez i Emigracionit do të jetë i mbyllur. Qytetarët nuk do të mund të aplikojnë as online, pranë Policisë Daneze.
