Ministri i Jashtëm i Italisë ka thënë se shpreson që vendi i tij do të jetë i pari në Evropë që do të lërë pas Koronavirusin, pasi numri i vdekjeve është rritur mbi 1.000.
Më shumë se 15,000 raste janë konfirmuar në të gjithë Italinë.
Luigi Di Maio i tha BBC-së se masat e vendosura në zonën e parë të shpërthimit, kishin rezultuar efektive.
Dy javë pasi 10 qytetet e para në veri të Italisë u shpallën “zonë e kuqe” dhe u ndalua qarkullimi në to dhe jashtë tyre, ai tha që nuk ka pasur infeksione të reja.
Kjo masë, e cila po ndiqet edhe nga vendi ynë, më pas shërbeu si një model për të forcuar masat në të gjithë vendin.
Tani në Itali janë shënuar 1.016 vdekje, mes një numri të përgjithshëm prej më shumë se 15,000 të infektuarish. Numri i rasteve është rritur me 2,249 gjatë 24 orëve të kaluara.
“Italia ishte kombi i parë në Evropë që u prek kaq keq,” tha ai. “Por unë shpresoj gjithashtu se Italia do të jetë e para që do të lërë urgjencën”.
Lëvizja ka qenë e kufizuar dhe vetëm ato mjete në nevojë urgjente mjekësore ose profesionale janë lejuar. Tani të gjitha dyqanet janë të mbyllura, me përjashtim të farmacive dhe ushqimoreve.
“Gjyshërve tanë iu kërkua të shkonin në luftë; ne na kërkohet të qëndrojmë në shtëpi,” tha z. Di Maio.
“Nëse një mjek dhe një infermiere mund të punojnë për 24 orë pa ndalesë, ne mund të heqim dorë nga shtëpia jonë. Shumica e qytetarëve po respektojnë rregullat. Ata që nuk po e bëjnë do të përballen me sanksione: ose gjobitje dhe kallëzime penale”.
/BBC
