Një nënë me dy fëmijët e saj humbën jetën dje në Ostren, si pasojë e asfiksisë nga tymi i përhapur nga soba me dru.
Rajmonda Tola, 45 vjeç, u gjet e pajetë në banesën e saj bashkë me djalin, Fatjonin, 14 vjeç dhe vajzën, Rudinën 22 vjeç, ndërsa vajza tjetër 16-vjeçarja Merita Tola, u gjet me shenja jete dhe arriti të mbijetonte.
Sot u mësua se Rudina Tolaj kishte prerë ditën e dasmës më 10 shtator të këtij viti. Xhaxhai i saj është shprehur se e reja kishte caktuar datën dhe se sot familjarët e kanë veshur si nuse për ta përcjellë për në banesën e fundit.
“Rudina e kishte prerë datën. Martohej në 10 shtator. Sot e kemi bërë nuse, e kemi nxjerrë nuse”, tha ai për mbesën e ndjerë sipas “Dosja.al”.
Ditën e sotme për herë të parë ka folur edhe Babai i Rudinës, gjyshi i fëmijëve ku është shprehur se nuk dinë asgjë se ka nga ardhur kjo tragjedi.
“Kam qenë në spital në Peshkopi me nusen e djalit, pasi mora lajmin erdha direkt këtu. S’kemi parë as bombël asgjë, kanë qenë në gjendje shëndetësore në rregull. Se nga erdhi kjo nuk e dimë. Kemi besim që do zbardhet si ngjarje”, u shpreh ai për Top Channel.
