Kur java e modës është afër, çdo brend dëshiron të tërheqë sa më shumë publikun. “Givenchy” ia ka dalë më së miri këtë vit. Marka e njohur do të tregojë koleksionin e saj më të ri për të gjithë publikun. Shtëpia franceze e modës e cila zakonisht shfaq koleksionet e saj më të reja në Paris, ka zgjedhur New York-un për të treguar koleksionin vjeshtë-dimër 2015-16.
Sezonin e fundit shfaqja u frekuentua nga Kim Kardashian e Katy Parry, ndërsa këtë sezon do të jetë e rrethuar nga 1200 njerëz të cilët nuk janë pjesë e industrisë së modës. Pra si mund të bëhesh pjesë e sfilatës?
“Givenchy” do të vendosë në dispozicion më shumë se 800 bileta për aplikantët në rrjetin “Nycgo.com”. Aplikimi do të hapet sot rreth orës 15:00 dhe pritet të ketë një trafik shumë të madh të interesuarish online.
Le të themi se “Givenchy” ia doli të tërheqë të gjithë vëmendjen përpara se “NYFW” të fillojë.
Burimi “Vogue”.
