Viti 2019 mund të cilësohet si i suksesshëm për artin shqiptar, sidomos për muzikën.
Në skenën shqiptare janë zbuluar artistë, të cilët me të vërtetë kanë dhënë kontribut të veçantë dhe lanë gjurmë me talentin e tyre.
Në këtë listë po tregojmë tre prej tyre, ata të cilët me siguri kanë një të ardhme të sigurt në tregun shqiptar, pse jo edhe në atë të huaj.
Lluni
Lluni, emri i vërtetë i të cilit është Leart Zymeru, është reperi më i ri pjesë e grupit të MC Kreshës dhe Lyrical Son. Ai numëron një sërë hitesh në vetëm kaq pak kohë që është pjesë e tregut shqiptar dhe disa super bashkëpunime të suksesshme me Lyrical Son, Bllekin dhe Mc Kreshën. Lluni ka bërë debutimin e tij të parë muzikor në vitin 2017-të, një mixtape e cila ishte pjesë e albumit të tij të parë, “BregMatic”.
Marjona Metahu
Marjona Metahu shkëlqimin më të madh e pati në “Kënga Magjike”, megjithatë daljet e saj në ekran kanë qënë të hershme.
Në vitin 2010, Marjona Metohu mori pjesë në “Gjeniu I Vogel 3”, aty ku spikati për talentin e veçantë. Pas kësaj, ajo vazhdoi pjesëmarrjen në “The Voice Of Albania 2”. Në vitin 2015 ajo hodhi në treg këngën e saj të parë, “Feel You”, në bashkëpunim me Roy. Në pak kohë ajo ka rrëmbyer zemrat e publikut dhe talenti i saj është mjaft premtues.
Khuba
Quhet Shkëlzen por ka dashur të prezantohet në art me emrin Khuba e për herë të parë është prezantuar në garën e festivalit më të ndjekur shqiptar “Kënga Magjike 2019”. Artisti i ri mahniti jurinë e festivalit dhe kaloi në finale, aty ku fitoi edhe çmimin “New Artist”. Khuba përveç këndimit ka pasion pianon dhe kitarën dhe hapat e parë drejt këndimit i ka hedhur në Gjermani.
