Pas shpalljes së listës së shteteve që ndihmuan Shqipërinë në fatkeqësinë e 26 nëntorit, ish-ambasadori i OSBE-së në Tiranë, Robert Bosch ka bërë një reagim të ashpër.
Mes listës së shteteve nuk ishte Holanda dhe Bosch e konsideroi këtë një turp.
“Çfarë turpi, Holanda e pasur nuk është aty! Çfarë po shkon keq me ne, kemi qenë gjithmonë aty për të ndihmuar”, shkroi ai në Twitter.
Shtetet që ndihmuan në ditët më vështira të Shqipërisë, pas tërmetit të fuqishëm 6.4 ballë të së martës, ishin të shumta.
Midis tyre ishin, Kosova, Zvicra, Greqia, Mali i Zi, Maqedonia e Veriut, Rumania, Bullgaria, Serbia, Turqia, Franca, Gjermania, Kroacia, Hungaria dhe Estonia.
