Rasti i familjes Cakoni nga Thumana është një ndër më të rëndët nga tragjedia e tërmetit që shënoi 51 viktima.
Në mesin e këtyre viktimave është bashkëshorti dhe vajza 15 vjeçare e Manjola Cakonit. Kjo e fundit ndodhet në spital ku iconstyle.al dhe Blukids panë nga afër gjenden e saj dhe dhuruan disa pako me ndihma të nevojshme për familjen e saj.
Manjola dhe i biri, i cili ndodhet gjtihashtu në spital, ende nuk dinë asgjë për bashkëshortin dhe vajzën që kanë ndërruar në jetë dhe mjekët thonë se është ende herët për t’i dhënë një lajm kaq të trishtë ndërkohë që është duke u rikuperuar.
Manjola ka dy fëmijë të tjerë në Angli, të cilët kanë marrë vesh lajmin por duke qënë se janë pa letra nuk mund të ktheheshin në atdhe për t’u dhënë lamtumirën e fundit motrës dhe babait të tyre.
Ndërkohë që e gjithë familja ka tepër nevojë për kurajo ajo që na mbetet është ta ndihmojmë me sa të kemi mundësi. Aktualisht Manjola nuk ka një strehë ku të futë kokën pasi të dalë nga spitali me të birin e saj.
Ne i bëjmë thirrje kujtdo që ka mundësi të ndihmojë këtë familje me strehë dhe ushqime, të kontaktojë në numrin e telefonit +355 697007966.
