Videoja e një ushtari shqiptar që u kthye nga Afganistani për të surprizuar nënën e tij, i ka prekur të gjithë në rrjetet sociale.
Shkëlqim Hoxha, prej vitesh në Afganistan, u kthye në atdhe por nuk lajmëroi askënd. Ai vrapoi për te puna e nënës së tij për ta surprizuar atë.
Kur pa të birin me rroba ushtarake, e ëma shpërtheu në lot dhe e përqafoi fort.
Lajmin e ka bërë të ditur, ministrja e Mbrojtjes, Olta Xhaçka përmes një postimi në rrjete sociale.
“E keni parasysh mallin dhe merakun e nënës për birin e saj? Imagjinojeni kur ai është ushtarak dhe ka shkuar të shërbejë në Afganistan. Ushtari Shkëlqim Hoxha nga batalioni i II i këmbësorisë, i cili është kthyer nga misioni në Herat i ka bërë këtë surprizë nënës së tij ditën e kthimit nga misioni”, shkruan Xhaçka, në videon e publikuar në Facebook.
