Dy aktorët Angelina Jolie dhe Richard Madden janë evakuuar menjëherë nga seti i xhirimeve të “The Eternals” pasi një bombë e pashpërthyer u gjet shumë pranë.
Seti i vendosur në Fuerteventura të ishujve Kanarie, duhej të evakuohej për të lejuar ekspertët e asgjësimit të bombave të çarmatosnin pajisjen, që mendohet se kishte mbetur nga një bazë naziste e Luftës së Dytë Botërore.
Një burim i brendshëm i tha “The Sun”: “Ishte tmerruese – bomba mund të kishte qenë atje për dekada e paprekur, por kush e di se çfarë mund të kishte ndodhur nëse do të trazohej”.
“Disa nga yjet më të mëdhenj në botë ishin në set dhe askush nuk po bënte asgjë. Për fat të mirë, ekspertët u morën me të”.
Sipas burimit, në set pati panik përpara se ekuipazhi të urdhërohej të largohej prej aty.
Angelina, 44 vjeçe, dhe Richard, 33 vjeç, janë duke luajtur rolet kryesore Thena dhe Ikaris në “The Eternals”, një film me superheronj nga Marvel.
Aktori kryesor i “Game Of Thrones” Kit Harrington, 32 vjeç, gjithashtu është bërë pjesë e kastit të filmit që thuhet se do të dalë vitin e ardhshëm.
